Kwa Wakazi, EP ya Abacus ni muendelezo wa safari ya kuelekea kwenye santuri yake. Wakazi ameshaonyesha uwezo wake kama msanii kupitia kanda zake tatu za mseto za MYU na Utatu Mtakatifu. Utatu Mtakatifu ndiyo kanda mseto bora kati ya zote tatu. Ndiyo kanda inayofunga mfululizo mzima wa kanda za mseto za MYU. Tofauti na zile za MYU, Utatu Mtakatifu ilisambazwa mtaani wakati za MYU zilisambwazwa mtandaoni peke yake.
EP ya Abacus ina nyimbo tisa ambazo ni ‘original’ kutoka kwa Wakazi mwenyewe. EP hii ni kiamsha hamu “teaser” ya santuri ya Wakazi inayotazamiwa kutoka hapo baadae. Wakati Abacus ikiwa imeshatoka, Wakazi anaendelea kutamba na nyimbo zake nyingine mpya kama “Sexy Lady”, “Touch” na “Sumu ya Panya” ambazo hazipo kwenye EP ya Abacus.
Mbali na Abacus, Wakazi anazungumzia pia mambo mbalimbali kuhusu hiphop hapa nyumbani, uandishi wa mashairi na mambo mengi mengineyo. Kwa msanii mchapa kazi “workethic” kama Wakazi, safari ndiyo kwanza imeanza.
Enjoy..
Kurasa nyingine muhimu:
- Abacus EP on Spinlet na Mdundo
- WakaziMusic